雖然香港作為全世界最貴嘅城市之一，但仍然有好多市民面對房屋問題。根據數據，香港有超過一百萬人（佔兩成總人口^）仍然蝸居喺環境惡劣嘅房屋，當中不乏寮屋、劏房或籠屋，好多人甚至每晚都要與木蝨老鼠為伴。我哋總結咗以下主要幾個原因為造成呢個情況。
1. 長久嘅房屋短缺問題
香港面對嚴重嘅房屋短缺，加上通漲令租金同樓價喺過去幾年飆升，導致整體房屋供不應求。有唔少低收入家庭為咗等「上公屋」，整個家庭需要屈居於少於100平方呎嘅單位或露宿街頭。
2. 租金補貼援助不足
香港公屋輪侯名單長，普遍一般市民需要等5至10年先有機會搬入。而對基層人士喺租金上嘅補貼援助非常有限，正因如此佢哋可以選擇嘅房屋並不多，好多人更因為資格領取援助而需要「捱貴租」。
3. 收入不平等
香港嘅貧富懸殊問題日漸嚴重，全港大約有130萬人嘅人生活喺貧窮線以下，因為唔多選擇，佢哋只能夠住喺破舊嘅寮屋、劏房或籠屋。
總結
整體而言嚴重嘅房屋短缺同高成本生活，造成好多基層市民嘅生活負擔。即使有瓦遮頭，佢哋住緊嘅惡劣環境仍有好多家居問題會造成生命危險。作為社區嘅一分子，我哋應該要幫助佢哋，令到呢啲家庭可以住得更安心。
遇到有需要家居維修嘅基層市民？叫佢哋聯絡PapaCare啦，我哋會幫佢哋聯絡預約義工隊上門進行免費維修服務。
^資料來源：https://www.scmp.com/news/hong-kong/society/article/3042039/one-five-hongkongers-living-below-poverty-line-2018