冷氣機已經成為都市人炎炎夏日嘅必需品。正當炎夏之際，相信好多香港人最頭痛就係遇到冷氣機漏水或滴水問題，除咗煩到自己仲會畀樓下鄰居投訴，或者被票控要繳交罰款！冷氣機滴水問題究竟係點造成？有冇冷氣機維修自救貼士？就等小編一一話您知啦！
1. 排水孔堵塞或阻塞
冷氣機嘅冷卻過程會產生冷凝水，通過排水管排出。如果排水管長時間被灰塵、碎屑或礦物物質堵塞，冷凝水就無法正常排出，就會開始漏水。
貼士：
你可以定期清理排水管，或者安裝排水過濾器防止堵塞。對於嚴重堵塞嘅情況，可能需要使用液體排水劑或者請專業嘅冷氣師傅上門清理排水系統。
2. 排水盤或水管出現裂紋
排水盤主要用嚟收集冷凝水，如果排水盤出現裂紋或穿窿冷氣機就會開始滴水。損壞嘅排水系統應該立即進行修復或更換，以防有進一步嘅問題發生。
貼士：
當一發現出現裂紋，您應該立即聯絡專業嘅冷氣師上門檢查同封堵漏水處，有可能要更換部分冷氣機零件以防止加劇漏水情況。
3. 製冷劑不足
製冷劑（又名雪種）會喺冷卻系統中流動，包括蒸發器，雪種不足導致蒸發壓力低，令內部的蒸發器表面出現結霜、結冰，引發漏水情況。
貼士：
請專業冷氣師傅檢查冷氣機內嘅製冷劑水平，並根據需要加到適當水平。
4, 隔塵網堵塞
堵塞嘅隔塵網會阻礙冷氣機內嘅空氣流動和冷卻，導致冷氣機要喺高壓情況下運作，並導致滴水。
貼士：
建議每1-3個月更換冷氣機濾網，以避免漏水等問題。
及早發現冷氣機漏水問題可以減少進一步嘅機器損壞。以下係係幾個簡單步驟幫您預防冷氣機漏水或滴水：
- 定期清潔或清除冷氣機排水口同管道
- 檢查並適當地補充雪種
- 更換所有損壞嘅排水盤、管道
- 緊固任何鬆動嘅連接處
- 定期清潔或更換濾網
- 定期安排專業冷氣師傅進行保養檢查
總結
遇上冷氣機漏水問題若然能自行解決當然最好，但有時真係唔容易搵出冷氣機滴水箇中原因。強行自己維修冷氣機，可能會弄巧成拙，更有機會唔小心整親自己。如果您試過以上嘅方法都未能解決問題，就需要聘請專業冷氣機師傅檢查冷氣機滴水原因。