天氣開始潮濕炎熱，大家開始忍唔住訓教都要開冷氣。隨著愈嚟愈大嘅開冷氣需求，屋企電費亦都開始偷偷起咗變化，雖然開少啲會慳返不少，但如果真係有需要，小編都為您整合咗以下終極冷氣慳電慳錢大法，畀您既可以係屋企涼浸浸又可以降低今季嘅冷氣成本。
1. 冷氣溫度較至25度
雖然冷氣機溫度愈低愈舒服，但冷氣溫度會直接影響電費。屋企冷氣機嘅溫度最好設定介乎25-28度之間，可以慳近10%電費。開低幾度嘅冷氣機會令冷氣長時間於高效率下工作，對冷氣機嘅內部零件產生影響，長久落去亦會減低冷氣機嘅壽命，所以記住盡量唔好成日將冷氣嘅溫度較到最低。
2. 同時開冷氣加風扇
開冷氣嘅同時加上風扇，除咗可以幫手將冷氣吹到每一個角落，加快空氣流動令整個空間更快變涼之外，風扇耗電量只係冷氣機嘅5-10%，即使將冷氣機溫度調高小小度，每月最高可以可以慳近百蚊電費 ！
3. 睡覺時將冷氣溫度調高+起床前1小時熄冷氣
有好多人怕自己半夜會熱醒，所以會臨訓前將冷氣溫度較低。其實當熟睡後，人嘅體溫會稍為下降，所以根本唔需要太凍嘅冷氣。 如果有時間掣，您亦可以考慮將關機時間預設喺起身前嘅1個鐘，因為室溫應可保持一段時間，足夠涼到你起身，又慳到唔少電費。
4. 定期保養冷氣機可慳電慳錢
將冷氣機保持最佳狀態可以減低因為冷氣受阻做成冷氣唔夠凍需要再降低溫度嘅額外成本。嚇要每隔兩個星期就清洗冷氣機隔塵網、進氣口及出風口一次，並每年定期搵冷氣師傅洗冷氣同為冷氣機做全面嘅檢查可以有效防止冷氣受阻、影響效能。
5. 使用變頻式冷氣機慳電慳錢
消委會曾於報告指出，變頻式分體冷氣機當中（變頻式冷氣即是可以隨着室內溫度的變化而自動調整頻率的冷氣機），比定頻式全年可慳4成電費！報告中提到測試中嘅冷氣機電費最高嘅係定頻式冷氣機(電費為$809）而電費最低嘅喺變頻式冷氣（電費為$469），電費相差近一倍！
6. 避免陽光直接照射冷氣機
如果冷氣安裝喺陽光可以直接照射嘅地方，機體同周圍嘅溫度會上升，因為整部冷氣散熱效能降低而影響耗電量。所以我哋建議冷氣機應該安置喺較通風嘅位置，避免有陽光可以直接照射到嘅地方或者避免靠近其他熱源裝置，以減低多餘電力消耗同延長冷氣機壽命。
總結
透過以上冷氣機慳電慳錢小貼士，除咗可以顯著降低今季嘅冷氣費幫您荷包「慳得一蚊得一蚊」同做到真正嘅節約能源外，仲可以保持屋企喺呢個夏天涼浸浸同確保您嘅冷氣機可以擁有天長嘅壽命。