要喺香港炎熱嘅夏天生存好多人都選擇要開冷氣，您又知唔知道冷氣機雪種先係令您安在家中都可以涼浸浸嘅主角呢？但如果您嘅冷氣機用咗好耐，入面嘅雪種就可能已經消耗哂或者失去作用，令冷氣機開幾大都好似唔夠凍。另外除咗雪種之外，我哋為您整合咗幾個主要原因導致冷氣唔夠凍嘅原因：
1. 漏雪種
最常見嘅問題就係漏雪種或者冷凍循環系統內有零件損壞。長時間使用冷氣機後，雪種可能會由密封處或者接口漏出，令你嘅冷氣機唔夠雪種制冷運行幫助降溫。我哋建議當您開始發現冷氣唔夠凍嘅時候請專業嘅冷氣師傅幫您檢查雪種水平同檢查制冷系統，搵出有冇出現漏雪種嘅情況。
2. 冷氣隔塵網太污糟
如果你嘅冷氣隔塵網太污糟或者有阻塞，會減少空氣空氣對流同降溫能力。建議每1-3個月換一次冷氣隔塵網太污糟或者定期自行清洗隔塵網，增加空氣對流，有助加快制冷系統降溫。污糟或有損壞嘅隔除咗令冷氣唔夠凍，更會影響室內空氣質素。
3. 壓縮機或風扇問題
無論冷氣機內嘅壓縮機、冷凝器風扇或者蒸發器風扇出現問題，都會影響冷氣機嘅制冷系統降溫能力。壓縮機會將雪種泵到冷凍循環系統中，而冷凝器同蒸發器風扇有助冷氣機本身散熱，提高運作效率。如果其中任何一個關鍵部分出現問題，您嘅冷氣機唔可以有效降溫，而令到冷氣唔夠凍。專業嘅冷氣師傅能夠為您快速搵到有問題嘅零件，喺需要時維修或更換有問題嘅部分，以恢復冷氣機內完整嘅降溫能力。
總結
如果您嘅冷氣機一開始出現唔夠凍嘅情況，我哋建議您儘快聯絡專業嘅冷氣師傅幫您嘅冷氣做個詳細檢查，搵出冷氣唔夠凍嘅問題根源。冷氣唔夠凍嘅問題可大可小，隨住問題愈嚟愈嚴種，冷氣維修嘅費用會愈高。定期更換或清洗隔塵網、定時搵專業嘅冷氣師傅檢查並更換損壞嘅零件，可以保持冷氣機最好嘅運行狀態，令您未來幾年都可以安在家中保持涼爽同舒適。