隨住智能電子門鎖越嚟越受歡迎，大家都好奇到底安裝電子鎖安全定傳統鎖匙門鎖比較安全。如果您而家考慮緊要唔要將您嘅門鎖安裝成智能電子鎖，我哋準備咗以下嘅文章，您可以先了解電子鎖同傳統門鎖嘅分別同特性，再決定邊一款門鎖最適合您！
作為傳統鎖匙門鎖嘅熱門替代品，智能電子鎖獨特地設計成以藍牙、Wi-Fi或應用程式來鎖定同解鎖門。雖然呢類技術功能為用家大大提供額外便利同安全性，但作為用家嘅您，仍然需要考慮電子鎖嘅可靠性同易唔易受攻擊等重要因素。
智能電子鎖主要用電子密碼或應用程式作為進入憑證，而唔係傳統嘅金屬鎖匙。呢啲電子憑證雖然方便，但亦帶嚟新嘅安全風險。佢哋可能會被駭客攻擊、用家唔記得密碼，或者設備出現問題例如大廈停電，電子鎖喺恢復供電前都用唔到。
相比之下，傳統鎖匙門鎖唔會比駭客攻擊，亦唔受停電影響。雖然傳統鎖匙門鎖亦有佢嘅缺點，例如可能遺失、被偷或損壞，但換門鎖嘅費用比電子鎖相宜。電子鎖旨在減少呢啲問題，同時提供智能功能邊便用家。
開鎖師傅同保安專家普遍認為，傳統鎖匙門鎖會比智能電子鎖略微難以繞過。然而，兩者都有相對被不法之徒用開鎖工具或剪刀破壞門鎖進行爆竊。智能電子鎖嘅其他顧慮可能包括駭客獲得屋企嘅Wi-Fi密碼或藍牙密碼，然後解開門鎖。
總結
對於大部分嘅用家，電子鎖對於大多數家庭同公司嚟講既方便又安全。如果您喺選擇電子鎖時有疑慮，您可以要求門鎖師傅建議幾個知名品牌比您選擇、同要求設置保安性較強嘅密碼、或者喺可行嘅情況下啟用雙重身份認證。
只要揀啱可靠嘅門鎖產品、正確安裝同使用，智能電子鎖可以達到甚至超越傳統門鎖嘅安全性能。呢兩種門鎖產品都有佢嘅優缺點，傳統鎖可能提供額外嘅安全保障，而安裝智能電子鎖可以為都市人帶嚟最大嘅便利。喺選擇門鎖時，需要好好地了解邊一種最適合您日常使用。