Papabo帶您認識4大常見木地板材質

家居裝修 | 認識4大常見木地板材質

木地板點樣揀?地板係家居裝修中十分重要嘅一環,因為面積大,對全屋格調影響深遠。目前市面上最常看見嘅有4種類型嘅木地板:實木地板、海島型木地板、塑膠仿木地板同超耐磨地板,小編將為大家介紹每種木地板嘅特性!

木地板客廳
木地板有咩優點?

自然美觀
木地板畀人一種自然、溫馨同舒適嘅感覺,木材紋理嘅獨特性可以增添空間自然感,為室內設計帶嚟溫暖嘅效果。

多樣性
木地板嘅種類同款式非常廣泛,可以根據個人喜好同室內設計風格揀最適合您嘅木材、紋理同顏色。

舒適度高
木地板喺觸感上比其他地板更為溫暖,唔似瓷磚地板咁冰凍,用木地板直接赤腳行都唔會覺得唔舒服。

木地板有幾多種?

1. 實木地板木材
以完整嘅天然木材經加工後所製成嘅地板材料,面層一般會以 UV 漆 或 PU 漆塗裝做保護。

優點:木紋理自然、吸音同隔音好、耐用性高、化學污染少。
缺點:價格昂貴、易受熱漲冷縮影響、間隙較大。

實木地板

2. 海島型木地板
海島型木地板以較便宜嘅夾板作底材,上面貼合一層削薄嘅實木,非常適合潮濕氣候地區使用,如海邊、山上。

優點:價格便宜、穩定性高、唔易變形、具抗潮同防蟲特性。
缺點:容易褪色、唔耐磨、化學污染多。

海島型木地板

3. 超耐磨地板
超耐磨地板屬於複合式嘅地板材料,由木屑同合成纖維所組成,表面嘅木紋以數位印刷塗裝而成。如果屋企有小朋友或有飼養寵物,超耐磨木地板會耐用好多。

優點:價格便宜、易清潔、抗磨耐刮、容易組裝。
缺點:防水性差、顏色冇實木咁美觀。

超耐磨木地板

4. 塑膠仿木地板
鍾意木紋獨特嘅紋路,但又怕氣候潮濕影響木地板壽命?咁就環考慮塑膠仿木地板,呢類地板因應氣候潮濕所研發,最大特性係以塑膠取代木質,適合現代人嘅一款地板。

優點:高防水功能、耐磨、耐刮的特性。
缺點:顏色同質感比以上3種木地板遜色。

總結

屋企翻新想要裝修地板工程?Papabo家居維修平台上有多間地板工程公司同埋鋪地板師傅俾你選擇!平台除咗會為您配對3位地板工程師傅以比對報價外,每位師傅都經專業團隊嚴謹認證,亦設有師傅評分系統以了解師傅嘅實質工作質素,務求用戶安心又放心!