家居設計裝修嘅風格種類繁多，有時要揀一種啱自己嘅設計風格都會花多眼亂。平時聽得最多嘅就「現代風」同「工業風」，到底除咗呢兩種之外仲有啲咩風格好受香港人歡迎呢？ 小編為大家整合咗7種最高人氣嘅室內設計風格種類、特色、裝修設計元素，睇完可以更加清晰咁搵裝修公司幫您打造理想家居！
1. 工業風
型格嘅工業風幾乎成為好多店舖同家居嘅室內設計風格首選，工業風傾向用粗獷嘅物質例如仿舊金屬、焊接點或會公然外露嘅結構組件，配合精緻細節，令室內有種既沉靜又神秘嘅舒適感覺。而通常工業風會用嘅色調離唔開水泥色、黑白灰基礎色調、冷色系。
2. 現代風室內設計
現代風格必備元素離唔開經典嘅黑灰白色！現代風主要想帶出簡潔同內斂嘅感覺，同時亦需要強大嘅功能性。正因如此，除咗外觀顏色要簡潔外，全屋嘅設計亦都包括咗好多嘅隱藏式收納功能，例如將收納櫃開闔整成按壓式設計或者將所有櫃子收埋喺唔同嘅傢俬或者同牆壁融為一體，增強全屋嘅空間感！
3. 北歐現代風
北歐風設計嘅兩大特點就係簡約，主要以木色做主要材料，尤其係淺色木紋會為家居帶嚟簡約明淨色溫。另外北歐風設計會用上大量木材原色、白色、米色同淺色系油漆同傢俬貫穿全屋增強成間屋嘅簡潔度同空間感。如果您鍾意乾淨俐落嘅室內設計風格，咁北歐現代風非常適合您！
4. 鄉村風
都市鄉村風係近年新興嘅一種設計風格。可能因為都市人人嚮往農村反璞歸真嘅生活，希望可以將屋企打造成生活愜意嘅大自然感覺！鄉村風主要設計特色除咗要用充滿自然色調嘅天然材質例如柔和嘅淺啡色同啡色蹄造濃厚嘅樸素感外，亦會用大量木材同石材增加大自然感覺。
5. 奢華風
奢華風除咗著重時尚同潮流感外，整體家居設計需要用簡潔嘅方式突出主人高貴嘅品味，顧名思義就係要為簡潔嘅空間加入唔同嘅華麗元素，例如嵌入金屬裝飾條打破室內嘅單調感或者加入大理石增加色彩層次感，令成間屋睇落都整高貴感十足。奢華風依照手法又能大致分為古典奢華 與現代奢華，也就是在古典與現代風之間作取捨與結合！
6. 地中海風
地中海風包含咗好多唔同國家嘅設計元素，包括羅馬同希臘等等，整體上嘅設計會有唔同嘅曲線造型好似拱門、馬蹄形門窗等或者加入馬賽克特色，特顯異國風情感。
7. 古典風
古典風特色主要需要盡顯貴氣與氣派就好似歐洲皇室，裝修風格除咗要大而華麗外，造型線條與雕工都需要十分精緻，所用嘅裝修物料亦較為貴重，喺室內設計上溝縫或雕花嘅手工都比其他風格複雜更多。
