屋企電箱跳制 | 教你搵出問題所在及注意地方

有冇發現您屋企配電箱入面嘅某一組電線fuse成日跳掣電箱跳掣嘅主要係當電流過大,電掣就會自動跳去「關閉」位置,以防止更嚴重嘅電力問題,例如過熱、短路或者造成火災。如果您常常遇到呢個情況,就需要聯絡持牌電工檢查同儘快修復問題,以防止任何進一步嘅危險。一般家居跳掣通常離唔開以下幾個原因:

1. 電箱本身有問題

隨著時間過去,電箱可能會磨損或損壞,喺唔應該跳掣嘅時候都會跳fuse。如果電路上其他電器同電子產品仲可以正常運作,就建議搵專業嘅電工師傅更換成個電箱避免造成短路


2. 電流負荷過大
large-appliance

屋企最近可能用多咗高電量嘅電器,例如暖風機、冷氣機、電爐或者其他大型電器,令電流負荷過大。若於同一組電線上使用過多呢類電器時,就好容易引致電力負荷過大嘅跳掣問題,嚴重更會導致短路。呢個情況下,您可以諮詢持牌電工幫助您決定正確嘅分配電流方式。

3. 電線連接鬆動或者損壞

電線同連接應該妥善固定冇明題損壞。如果有任何疑問,請聯絡持牌電工幫您檢查電路上嘅連接搵出跳fuse成因


4. 電器出現故障或漏電

如果屋企電器出現損壞或者嚴重故障,會令電器本身用電量唔正常,當電力使用量過大會引起漏電問題,然後造成「漏電斷路器」嘅裝置斷開,停止電流供應,令電箱跳掣


總結

要解決斷路器問題,首先要確保家居安全慣例同選擇專業持牌電工師傅。如果你已經確保冇電流負荷或者連接問題,最好聯絡專業持牌電工為您進行深入嘅電力測試。佢哋有專業嘅電力維修儀器進行最全面嘅檢查,並喺需要時進行維修,以防止持續嘅跳掣同突然全屋短路停電。