廁所沖廁水力弱除咗好麻煩同沖唔走污糟嘢感覺唔衛生之外，更有機會係水渠或水管開始有問題嘅警號。喺搵水喉渠務維修師傅前，您可以自己嘗試以下幾個方法嚟修復廁所沖廁水力弱嘅問題，睇吓可唔可以避免更換成個廁所。
1. 清理馬桶入面嘅堵塞物
同大部分廁所問題一樣，通常做法都係先檢查馬桶入面堵塞物阻止沖廁。即使係小型或者小量嘅堵塞物好似廁紙，都有可能影響水流，減低整個沖水力度。
2. 打開馬桶下方嘅水閥
馬桶水閥主要用嚟控制進入馬桶嘅水，而通常水閥位置都喺供水管同馬桶水箱底部連接嘅位置。當您需要進行廁所維修或者防止咸水溢出時，水閥非常有用。打開水閥嘅方法係逆時針旋轉，關閉水閥嘅方法係順時針旋轉。當水閥字開到最大時，有機會影響沖水力度。
3. 調整水浮球
沖水後，補水管會開始用咸水加滿水箱，而且廁所水箱內亦有一個跟住水上升嘅水浮球。當水浮球達到預定水平時，補水管就會停止供水。您可以嘗試調整水浮球，令補水管加入咸水到適當水平。
4. 維修或更換阻水閥
馬桶阻水閥嘅主要工作係為水箱底部創建一個水密密封。當您沖廁時，阻水閥會上升以容許水箱內嘅咸水流入馬桶，然後阻水閥會再次關閉，令馬桶水箱可以重新加滿水。當馬桶用得耐時，阻水閥可能會有裂痕或損壞，令水箱內嘅咸水由水箱洩漏到馬桶內，從而令廁所沖水力弱。
總結
如果以上嘅方法改善唔到沖廁水力弱嘅問題，我哋建議您盡快請專業嘅水喉師傅進行詳細嘅檢查、維修、更換。