當鋅盆水龍頭出現問題時，都會諗到底自己整定搵專業持牌嘅水喉維修師傅幫您好。雖然自己整可以慳番請水喉師傅嘅錢，但如果唔考慮清楚，自己萬一整唔好可能仲會有手尾。
首先我哋喺決定要唔要請師傅前要分清楚問題嘅嚴重程度。係唔係屬於小型維修，例如調整水龍頭或手柄？定係要安裝成個鋅盆水龍頭？定需要更換內部損壞嘅水龍頭配件？
小型維修，例如更換氣化器、水管同膠圈，如果您有修理水喉相關經驗嘅話，做起嚟應該唔難難到您。您可以喺大部分五金鋪搵到您需要嘅維修工具同配件。不過，如果您需要大規模嘅鋅盆水龍頭維修，咁對於鍾意DIY嘅您嚟講就難啲喇。
雖然安裝水喉頭好似簡單嘅事，但係都可能遇到困難。為咗可以確保新水龍頭同現有嘅洗滌槽孔同水接駁相容。喺開始之前要先量度好，避免出錯造成更高嘅成本。如果您決定自己安裝廚房鋅盆水龍頭，以下係主要步驟：
- 關掉水掣，搵到洗滌槽下面嘅閥門，熄咗個水掣。
- 喺水龍頭底部用T型板手套管以逆時針方向鬆開兩粒六角螺母。
- 拎走固定配件（例如固定螺帽、膠片同金屬片）同拉出舊水龍頭。
- 以左熱右冷方式放入兩條水喉膠管，再順序安裝固定配件。
- 喺水龍頭底部用T型板手套管以順時針方向扭緊兩粒六角螺母。
- 打開水源檢查有無漏水。畀水流幾分鐘，確保水掣同接駁部分冇漏水。
決定自己整水龍頭之前，請記住小型水喉維修先比較合適DIY者。但即使只係更換哂成個水龍頭更，我哋都建議搵一個信譽良好嘅水喉師傅幫您，以確保將來用得安全又放心。
總結
除非您本身有水喉經驗同適合嘅工具，否則請水喉師傅進行大規模水龍頭維修或更換，會係最安全嘅選擇。專業嘅水喉師傅可以正確同快速地完成工作，以減少對生活嘅影響。