究竟點搵師傅先最穩陣？有咩家居維修師傅要有牌？點先可以避開中伏師傅？最常見嘅家居維修陷阱有啲咩？作為香港人又啱啱搬出嚟住嘅您，如果去到新地方想搵家居維修師傅但又毫無頭緒，可以先參考以下搵家居維修師傅全攻略，小編為您逐一拆解！
家居維修師傅可以做到啲咩？
幾乎涉及屋企嘅所有嘢，包括廁所塞咗、水喉漏水、電線跳掣、冷氣唔凍等問題！普遍嘅家居維修師傅經驗豐富，可以幫您輕鬆解決家居維修煩惱。
而喺香港，搵師傅最常遇到嘅問題係海鮮價同家居維修師傅質素參差。Papabo 一站式家居維修平台，提供多種屋企修理同改善方案，平台匯集了18區過千個經專業團隊驗證嘅家居維修師傅為您服務。
大部分嘅家居維修師傅會做啲咩？
水喉渠務：渠務問題唔及時處理，分分鐘可大可小。持有水喉匠牌嘅專業水喉師傅可以幫您輕鬆解決廁所塞咗、水喉漏水等問題。同時根據水喉師傅嘅專業知識，可以安全地幫您安裝同更換廁所、廚房、浴室鋅盤、花灑、浴缸、水龍頭、水管等等。
冷氣維修：除咗更換空氣濾網同清除灰塵污垢之外，冷氣師傅仲可以解決唔同嘅運作問題好似冷氣唔凍、冷氣滴水、冷氣有異味等。您需要一位專業嘅冷氣師傅進行詳盡檢查同維修，確保冷氣運作良好。
電力維修：持有政府認證電工牌照嘅電工師傅可以專業地幫您處理跳掣、插蘇唔過電等問題。
家具安裝：當搬新屋嘅時候，大家最頭痛嘅問題可能係家具安裝，自己又唔熟，說明書又難明，真係需要好多時間去研究點樣組裝傢俬。一個專業嘅傢俬組裝師傅可以幫您省好多不必要嘅煩惱。
油漆工程：無論全屋牆身定係傢俬，只需要重新上油就可以睇落焕然一新！無論係室內定係室外油漆工程，專業嘅油漆師傅都可以幫您處理好。
鋁窗維修：窗戶可以帶來自然光線之外，更會為室內帶入更多新鮮空氣，當鋁窗出現問題除咗影響家居環境，冇洽當處理更有機會構成公眾危險而觸犯香港法例。持牌鋁窗師傅可以安全地為您安裝同維修窗戶。
除咗以上最常見嘅家居維修項目外，Papabo應用程式仲有其他更多唔同嘅維修項目比您揀，包括泥水地板、木工項目、防水防漏、拋光打蠟、開鎖換鎖、電器維修等。
搵家居維修要提防咩陷阱？
近年家居維修需求愈來愈大，如冷氣機唔夠凍、廁所廚房排水管堵塞、電箱跳掣同漏水等問題。以下 6 個近年家居維修投訴個案中最常見嘅陷阱。
1. 網上「硬銷」廣告
以免費檢查或低廉價錢嘅網上廣告誘騙消費者聯絡預約上門，上門後要求收上門檢查費用或實際維修技術參差。
2. 沒有做詳盡檢查就提供報價
師傅冇先了解清楚整個維修項目嘅難易程度，甚至冇安排上門檢查就直接以最低價報價，但上門後實際工作變咗有唔同嘅額外附加費，大大超出客人原本預計嘅維修價錢。
3. 師傅沒有相關專業資格
無牌師傅謊稱自己已獲政府專業認證或者已經擁有相關牌照，爭取客人信任以獲取工作。
4. 增加無謂額外項目或工程拖延嘅收費
維修過程中增加不必要嘅額外項目或因為未能如期完成工作，以增加更多收費。
5. 要求消費者預付費用後不見蹤跡
有少數案例師傅要求客人預付購買材料嘅價錢或訂金，到施工日時人間蒸發，客人追討唔到本身預付嘅金額。
6. 工程出現爛尾情況
師傅唔單止冇完成客人委託嘅維修，搞到出現爛尾情況，更拒絕賠償俾客人。
點樣揀好師傅先唔會爛尾？
如果您想揀一個好師傅，記住以下好師傅身上不可缺少嘅特質，包您搵師傅唔會中伏!
安全性
開始選擇師傅前，一定要確保維修師傅有齊工作所需嘅牌照（例：水喉匠牌、電工牌、冷氣牌）已獲取正式認證同相關經驗。
專業操守
入屋做嘢當然要揀一個值得信賴嘅師傅，一個好師傅除咗需要具備相關維修資歷外，專業嘅職業操守都非常重要，要建立信任您應該要搵一個可靠、誠實、溝通透明嘅師傅。
年資及經驗
最好揀一個注重細節嘅持牌師傅，佢哋除咗有多年嘅實戰經驗，亦會擅長透過注意細節嚟確保工作完成得徹底、安全同埋符合標準。
可靠性
每個人對手工嘅要求唔同，我哋建議要求持牌師傅提供過往案例同埋其他客戶嘅網上評論確保各方面都獲得認證，一個專業、可靠嘅維修師傅會樂意同你分享佢哋以前嘅工作同屢獲好評。
準時性
點樣知道師傅係會尊重客人時間？佢哋會準時嚟到，同會喺承諾嘅時間內完成工作，並確保工作品質高。
Papabo 致力於提供專業、友善同可靠嘅服務給所有客戶。為咗確保客戶喺整個家居修理過程中可以放心無憂，我哋要求 Papabo 平台上所有嘅師傅喺驗證過程中提交佢哋嘅香港身份證同相關執照。所以，您知道佢哋會準時同埋準確地完成工作。
而且，我哋嘅客戶服務團隊會優先考慮客戶服務體驗，處理客人嘅查詢同跟進投訴個案，致力令整個過程盡量無憂無慮。
總結
對於好多香港居住嘅人嚟講，想搵一個信得過嘅家居維修師傅一啲都唔易。Papabo 一站式家居維修平台匯集18區過千個專業師傅，每位師傅均需提供有效的相關維修項目嘅專業資格，而且平台采用實名登記制度來認證師傅身分，以確保用戶配對到合專業資格嘅師傅。另外，平台更設有評分系統，客人可以為師傅工作評分，餓其他客人對師傅實際工作質素有更深入了解。我哋亦設有客戶服務團隊專門處理用戶查詢同跟進投訴個案，以確保用戶權益得到保障。無論係漏水、壞冷氣、渠塞、跳掣等問題，立即下載Papabo一站式家居維修平台交比專業嘅家居維修師傅幫您處理大大小小嘅家居維修問題啦！