屋企水喉漏水係其中一個常見家居維修問題，長期出現漏水問題令好多屋主覺得煩惱，積水問題仲會搞到發霉滋生細菌！小編為您整合咗幾個家居最常見嘅漏水問題，同您可能察覺唔到嘅漏水危機，畀您可以定期檢查預防嚴重漏水問題發生！
1. 鋅盤下去水喉漏水
鋅盤同洗手盤下面嘅去水喉或樽型隔氣有不少水喉接駁位，如果安裝時扭得太緊，時間耐咗有機會出現裂縫。即使只係好細微裂痕，都會因為壓力導致漏水問題。
2. 馬桶入水位漏水
馬桶入水掣通常喺接近地下嘅位置，通常出現漏水嘅成因係因為水掣位出現老化。馬桶用得多令到每次沖水後都要重新注入咸水，而咸水好容易令到零件同水掣老化。
3. 水龍頭漏水
每次即使擰緊咗水龍頭，出水口仍然有水流出嚟？或者水龍頭開關口嘅邊出現漏水？有時會因為水龍頭內零件老化、接駁口膠圈或水喉膠布太舊引致。水質不佳都有可能導致問題，當食水中混有雜質，流經時會對水龍頭的零件造成磨損，或者平時將水龍頭用力過度扭盡，亦有機會損壞內部零件，導致漏水。
4. 洗衣機水喉漏水
洗衣機後方嘅入水喉都係好常見嘅家居漏水問題。通常源於洗衣機運作時造成的震動，令入水喉接駁位鬆脫，或因震動的衝擊力對水喉造成損耗，令零件鬆脫，導致漏水問題。
總結
其實水喉漏水、水龍頭滴水屬於較簡單嘅水喉維修問題，只要定期檢查同儘早聯絡水喉維修師傅，就可以避免問題進一步嚴重，並慳到將來高昂嘅水喉維修費用。