沖涼遇上花灑水壓唔夠，搞到每次要用更長嘅時間先可以沖乾淨，除咗麻煩之外，冬天仲會更加受罪。 確保有足夠嘅供水、妥善安裝嘅水管設備同定期檢查，係預防同解決水力低問題嘅最有效方法。我哋為您整合咗幾個導致花灑水壓唔夠嘅成因：
1. 供水唔夠
如果您屋企嘅水源有供水限制，喺整個大廈供水繁忙時間，水壓就會明顯地下降。喺呢個時候，如果您想增加水壓，可以考慮換一個更大嘅水泵或者儲水缸，為您提供更大嘅供水量。
2. 過濾器塞咗
過濾器隨著時間會有堵塞問題，減少水流量。您可以聯絡專業嘅水喉師傅幫您檢查，有需要時就更換損壞咗過濾器，更換後您可以睇到水壓有顯著改善。
3. 裝錯沖涼設備
唔小心裝錯花灑頭可能會限制水流，導致水壓唔夠。喺安裝所有沖涼設備時，您需要確保所有設備都按照製造商嘅規格嚟安裝，先可以避免水力低嘅問題。如果有任何疑問，請聯絡專業嘅水喉師傅為您安裝。
4. 管道被水垢積聚
隨著時間，屋企嘅金屬水管可能會被水垢積聚，縮窄水管，令流水更加困難，從而降低水壓。
5. 唔合適嘅花灑頭
唔合適或者壞嘅花灑頭都會降低水壓。如果已經排除咗以上其他問題，您可以試吓更換一個部嘅花灑頭，可能會解決水力低嘅問題。
總結
另外您亦可以嘗試扭緊花灑頭或更換過濾器嘅濾芯，睇下有冇幫助提高水壓。如果水力低問題仲繼續，最好聯絡持牌嘅水喉師傅進行檢查同維修或更換必要嘅沖涼設備喉管。