洗手盆去水緩慢真係令好多人愈整愈炆憎，最影響莫過於日常洗碗、刷牙或者剃鬚，分分鐘因為去水慢留低污漬係洗手盤。洗手盆去水慢最常見原因包括去水位淤塞、水管入面更深處有淤塞或者如果有裝廚餘處理機，就可能因為廚餘處理機有問題。小編為您整合咗以下幾個幫您快速解決鋅盤去水慢嘅問題：
1. 使用液體通渠劑
只要將通渠泡泡擠壓向洗手盆去水位10次，再等30分鐘就完成，然後用熱水沖洗，之後再做一個簡單去水測試，時間縮短至1分鐘，通常您會睇到去水有明顯改善。液體通渠劑嘅化學物質可以幫助分解堵塞物。對於更頑固水渠淤塞問題，您可能需要使用鋅盤水泵或者其他通渠工具。
2. 使用通渠泵
喺洗手盆排水口上放置通渠泵向下壓以產生吸力，然後強力地上下抽動直到破壞堵塞物。如有需要，重複進行。鋅盤通渠泵可以排除由皂液、頭髮、油脂或食物殘渣引起嘅淤塞問題。
3. 使用通渠彈弓
您可以去五金店買通渠彈弓，將通渠彈弓頭塞入洗手盆排水口以破壞更深處嘅堵塞物。您可以透過扭動勾實堵塞物，然後大力將渠內深處嘅堵塞物拉出。
4. 聯絡專業嘅水喉師傅
如果堵塞物依然冇辦法清走，或者留意到喺自己清理管道更深處嘅堵塞物時遇到阻礙，最好立即停止強清理並聯絡專業嘅持牌水喉師傅。佢哋有更專業嘅通渠工具幫您完全清走頑固嘅堵塞物，而唔會進一步損壞渠道。另外專業水喉師傅可以立即幫您搵出持續去水慢嘅根本原因，有可能會發現更嚴重嘅渠道問題，例如崩塌嘅管道。
另外，您可以養成以下習慣保養好管道，以大大減低去水慢嘅問題發生：
- 喺洗手盤去水口止放置濾水網阻隔頭髮或食物殘渣流入水渠，並定期清理。
- 定期清潔廚餘處理機。您可以用橙皮或麵包沖洗，幫助清除積聚嘅油脂同污垢。
- 千祈唔好將油脂或油倒入去水位。將油脂同油刮掉放入垃圾桶中。
- 減少使用皂液。平時沖洗碗碟或洗手時只使用需要嘅皂液，因為過多皂液容易導致多餘皂液殘留喺水渠入面。
- 喺洗完碗後用熱水沖洗鋅盤，畀水流10-15秒，可以幫助防止油脂或殘留物積聚。
總結
如果以上方法都解決唔到屋企鋅盤去水慢嘅問題，記住盡快聯絡專業嘅水喉師傅幫您鋅盤檢查同進行相應嘅通渠維修，避免渠道有進一步更嚴重嘅問題發生。