香港天氣潮濕時，牆身發霉問題令不少人頭痕。其實牆身當被水份入侵而發霉，除咗污漬影響家居美觀外，好大機會更會影響屋主健康，因為只要牆體內衍生黴菌，隨空氣流動時，人體吸入呢啲黴菌，免疫力較低嘅人可能會引發頭疼、發燒、皮膚或黏膜發炎等病徵，亦有機會引起呼吸道疾病或過敏症狀，所以牆身發霉污漬問題一定要正視同及時修補。小編為您整合咗以下簡單貼士去修補牆身濕氣重嘅情況，希望喺呢個季節唔再受呢啲污漬困擾！
1. 使用牆身除霉產品
如果只有局部位置有小霉點，可以嘗試用市面上專門針對牆身發霉污漬嘅除霉產品。透過深入滲透牆身，可從根源分解霉菌污漬，同時保護牆面色彩。使用方法一般係對準發霉牆身，用牆身專用除霉產品均勻噴灑靜置約10分鐘，再用乾布抹走。
2. 牆身用防水塗料
當留意到牆面己經受潮，最快捷嘅方法就係做好牆面嘅防潮工作，針對牆體裂縫或受潮地方搽上防水塗料或防水劑。處理方法先輕輕打理乾淨牆面，然後搽上防水塗料，分開搽兩次防水效果會更好。等第一層乾透後，再搽上第二層，形成防水塗膜，受潮嘅地方通常需要一至兩個月回復乾燥。
3. 鏟走潮濕發霉嘅地方
用鏟刀將牆身因潮濕引致發霉嘅地方一次過鏟走，再用砂紙打磨，輕輕打理乾淨牆面，再喺牆身重新塗上油漆，去舊迎新。
總結
學識以上3種方法後，相信當您遇到牆身潮濕或發霉問題時，都知道應該點修補好！如果想更徹底預防牆壁潮濕發霉問題，就要請專業油漆師傅同防水防漏師傅協助，做好牆身防水層，喺裝修時加添無色透明嘅防水膠膜層，以免將來被水入侵，造成牆身潮濕情況。