夏天為大地帶嚟雨水，亦帶嚟唔同嘅家居問題！香港夏天除咗天氣炎熱，濕氣亦都非常重，種種因素都會引發起唔同嘅家居維修煩惱。今次，小編為大家總結咗夏天4個最常見嘅家居問題同簡單嘅DIY解決方法！
1. 冷氣唔凍
夏天天氣炎熱，如果冷氣機開始不夠凍，有可能喺因為有塵垢積住喺隔塵網，阻擋冷氣出風。如果清潔完仍然有唔夠凍嘅情況，我哋建議您儘快聯絡專業嘅冷氣師傅幫您嘅冷氣做個詳細檢查，搵出冷氣唔夠凍嘅問題根源。冷氣唔夠凍嘅問題可大可小，隨住問題愈嚟愈嚴種，冷氣維修嘅費用會愈高。定期更換或清洗隔塵網、定時搵專業嘅冷氣師傅檢查並更換損壞嘅零件，可以保持冷氣機最好嘅運行狀態，令您未來幾年都可以安在家中保持涼爽同舒適。
DIY解決方法：
- 清洗隔塵網
2. 牆身發霉有污漬
香港潮濕嘅天氣容易導致牆壁發霉，牆身發霉問題令不少人頭痕。牆身被水份入侵而發霉，除咗影響家居美觀外，好大機會更會影響屋主健康，因為只要牆體內衍生黴菌，隨空氣流動時，人體吸入呢啲黴菌，免疫力較低嘅人可能會引發頭疼、發燒、皮膚或黏膜發炎等病徵，亦有機會引起呼吸道疾病或過敏症狀，所以牆身發霉污漬問題一定要正視同及時修補。
DIY解決方法：
- 使用牆身除霉產品
- 牆身用防水塗料
3. 地板有水漬
有時莫名發現地板有水漬，原來係因為樓下開冷氣導致！水分是從空氣之中凝固而來，因為吹凍咗嘅地板遇上室內熱空氣，令空氣中嘅水分喺地板上凝結，即是凝水。引起凝水嘅原因通常都係樓板太薄、二溫差問題或暫室內濕度太高。要解決都唔係太難，可以自己試吓先！
DIY解決方法：
- 地板上鋪設地墊，令地板減少接觸空氣
- 定時開抽濕機，以降低空氣中嘅水分
4. 木製傢俬發霉
天氣潮濕，好多時候會令屋企嘅木製傢俬容易發霉。一旦發生呢啲情況又唔使急住斷捨離嘅，可以用濕布加75%酒精清潔並處理霉菌，殺菌又消毒，救返件傢俬！另外木製傢俬會發霉嘅原因，通常都係油漆唔夠厚，令細菌滋生。
DIY解決方法：
- 用濕布加75%酒精清潔並處理霉菌
- 塗上一層油漆，以防止霉菌生長
總結
學識以上嘅自救方法後，相信當您遇到因為夏天引發嘅家居維修問題時，就唔洗咁頭痕啦！具體情況仍然需要根據實際情況進行評估和處理。如果問題嚴重或唔確定如何處理，就記住用Papabo一站式家居維修平台搵專業嘅家居維修師傅幫您喇！