全屋裝修雖然好煩，但可以將新屋裝修成自己夢魅以求嘅樣，辛苦啲都值得！近年，愈嚟愈多人為咗貪方便而忽視咗家居裝修某啲必要程序導致好多不堪嘅問題，家居裝修師傅偷工減料、逃避意外責任等問題隨處可見，到底作為客人點做先可以保障自己同家人避免蒙受損失？立即睇吓以下7大家居裝修注意事項，確保裝修同整個過程都安排得妥妥當當！
1. 揀啱裝修公司/師傅最重要
裝修公司/師傅好定唔好，最能夠決定您嘅家居裝修質素同成敗！喺揀裝修公司/師傅時，不妨向裝修公司/師傅索取過往全屋裝修工程案例，或者留意有冇佢嘅舊客戶評論留言。
2. 所有細節要白紙黑字
即使搵親朋戚友幫您做全屋裝修，所有文件細節一定要跟足！無論喺報價單、設計圖、材料清單、裝修公司同師傅資料等，所有關於您嘅屋企裝修一切決定，都需要白紙黑字紀低避免日後有爭議。亦可以留低所有相關文件做依據，發生問題時要求賠償。
3. 要求裝修公司/師傅購買保險
正常嚟講所有家居裝修有任何意外，都可以向負責裝修公司/師傅追究到底。保險普遍分為個人身分（判頭或師傅)、有限公司同無限公司三種，當中無限公司嘅責任喺「無限」。無論喺邊一類嘅身分/公司，屋主都應該要求為每一單裝修工程購買第三者保險同勞工保險。因為家居裝修始終有一定危險性，千萬唔好為咗慳家居裝修保險而賠上莫大嘅。損失
4. 留意分期付款安排
睇報價單時，除咗要睇清楚每一項開支外，亦要留意最後寫嘅付款安排。通常裝修公司都會採用分期付款制，例如「4321」或「3331」形式。我哋建議最好喺全屋裝修工程開始前幾日先過數，並且最好壓至三成或以下；第2期費用，最好喺完成泥水工程同鋪好地板後先畀；第3期就搬好傢俬後畀；尾數就執漏後先畀，以免裝修公司/師傅逃避執漏責任。
5. 親自揀料要小心
屋主除咗揀啱自己心水嘅設計風格外，最好事先做好功課，留意邊類物料性價比較高同大約成本係幾多，減少被騙嘅機會。
6. 定期去監工
為確保家居裝修質素，事前應同裝修公司/師傅白紙黑字列清楚所有嘅裝修工程要求同細則，例如磚同磚距離、每件訂造傢俬嘅尺寸大小、地腳線距離等等，並喺施工期間定期上門監工，根據裝修工程要求清單同師傅磋商同協調。
7. 進行詳細驗收
完成家居裝修工程後緊記檢查每一個角落！驗收雖然已經有一定準則，但記住唔一定要追求百分百完美先收得貨。通常油漆驗牆嘅明角未必一定做到90度，只要冇缺角也可以收貨。專業嘅裝修公司/師傅通常會預先告知或驗收當日畀到一個合理解釋關於一啲裝修上嘅小瑕疵。
總結
全屋裝修有好多唔同嘅嘢要煩，但只要做足以上注意事項同買好保險，就可以如願以償，打造你最滿意嘅安樂窩。