您知唔知地板喺室內家居設計最大嘅視覺面積範圍呢？為咗可以更輕易改變空間氛圍，裝修時揀啱嘅地板係至關重要！揀地板首先要考慮唔同地板嘅實用性，再透過唔同紋理、色調或者地板拼貼手工去配合成個家居設計風格。我哋平時裝修最常見嘅除咗有木地板同磁磚地板，我哋為您整合咗6種最熱門嘅裝修地板材質同各自嘅特色比您參考，希望為猶豫不決嘅您提供更多家居設計靈感！
1. 磁磚地板
磁磚地板係其中一個常用嘅地板材料，因為使用範圍相當廣闊，而且有好多唔同既顏色同花紋比您選擇，可以輕易配合各種唔同嘅家居設計風格。另外，磁磚地板嘅實用性極高，容易清潔又有防水功能，喺屬於兩者兼容嘅地板材料。
注意事項：同木地板相比下，視覺同冬天嘅觸感上會比較冰冷。
2. 木地板
木地板由以前到而家都係好多屋主嘅首選，因為安裝時間短又可以為屋企帶嚟溫暖嘅視覺效果，觸感上亦都比磁磚地板舒服！而最常見嘅木地板材質分為實木地板、海島型木地板、超耐磨木地板。
注意事項：香港氣候潮濕容易有變形問題，而且木地板需要定期打蠟維持，保養需花較多心思同成本。
3. 水泥地板
水泥地板喺香港最早期而又常見嘅裝修地板材質，近年因工業風同簡約風而愈嚟愈受歡迎，水泥地板可以輕鬆創造手抹紋理，增加整個空間嘅美感。水泥粉光係水泥地板中最受歡迎嘅一種，因為水泥粉光地板係研磨過嘅改良版，較普通水泥材質細，更適合應用喺室內地板上。
注意事項：水泥材質容易起砂，但可以透過拋光打磨、保護漆加工解決缺陷。
4. PANDOMO
Pandomo係由德國公司 PANDOMO 研發出來嘅特殊裝修地板材料，同水泥粉光地板一樣，可以蹄造無縫接軌嘅地板效果，相對一般水泥地板材質或者水泥光粉嚟講，冇咗易有起砂問題，多數屋主會揀Pandomo代替水泥粉光，達到相同地板效果。
注意事項：唔容易清潔，而且易食色亦唔耐刮，手抹紋路可能因碰撞而改變，保養上較為麻煩。
5. PVC地板
PVC地板其實就係我哋常講嘅塑膠地板，好多屋主會揀PVC地板因為有好多唔同嘅花色、價錢門檻低、而且唔洗擔心蟲害問題等多個優點，過往通常會應用喺商業空間多，由於花色多樣選擇，且不斷改良出新，受到不少屋主青睞。
注意事項：觸感較其他地板硬，唔容易清潔，而且唔耐刮，保養上較為麻煩。
6. 石塑地板
石塑地板屬於PVC地板嘅其中一種，同樣有唔同嘅花式比屋主選擇，但佢比PVC地板更耐刮耐磨、選可以用濕拖把清潔、防潮，所以比PVC地板更適合住宅空間使用，尤其喺有毛孩嘅屋企。
注意事項：同PVC地板一樣，觸感較硬。另外，地板邊角較銳利。