鎖匙斷咗?4招急救鎖匙斷咗喺門鎖內

出完街攰左成日,有咩黑仔得過番到家門,鎖匙插入門鎖開門嘅瞬間,鎖匙竟然斷咗喺入面,而且拎唔番出嚟?遇到咁嘅情況,除咗炆憎仲會令人驚慌失措冇得番屋企。如果真係咁不幸發生喺您身上,到底應該點樣處理鎖匙斷咗喺門鎖內嘅情況?立即等小編為您逐一拆解斷匙嘅成因同4招急救法啦!

點解鎖匙無啦啦會斷喺門鎖?

有3個主要原因導致鎖匙斷,包括開關鎖時,過度用力拉扯搞到斷咗;門鎖老化,鎖牙唔對齊令鎖匙卡住喺入面;鎖匙形狀變咗形,插入門鎖之後拎唔番出嚟先發現。

鎖匙門鎖

不幸遇到鎖匙斷咗喺入面點算好?

鎖匙萬一斷咗,記住保持冷靜唔好亂用工具挖出嚟,唔識整隔硬嚟分分鐘整爛埋成個鎖。唔想因為斷匙搞到番唔到屋企?係時候記低以下4招傍身以備不時之需!

第1招:
如果鎖匙同匙孔之間有足夠空間,可以嘗試用鐵線,屈成一個鈎,然後插入匙孔最入面,慢慢嘗試將斷咗嘅鎖匙勾出來。

第2招:
如果斷咗嘅鎖匙有突出嘅部分,可以用界刀或鉗子嘗試夾出嚟出來。同時,亦可以加WD40入匙孔內,以減低磨擦力破壞匙孔。

第3招:
如果係十字鎖,就可能需要用到小電批,將十字鎖嘅匙孔擴大,再用鐵線連AA膠插入匙孔裡,等膠水完全乾哂痴住斷匙,拉番出嚟。

第4招:
以小型鋸片,鋸齒向上放入匙孔內,小心地轉動鎖頭,令鋸齒鈎住斷匙,再慢慢拉出嚟。

總結

如果試完以上嘅方法都係拎唔番斷匙出嚟,就需要搵專業嘅開鎖師傅幫您處理喇!夜媽媽唔知去邊搵開鎖佬?大家可以下載Papabo 一站式家居維修平台,24/7幫您極速搵專業開鎖佬搞搞佢!