電源插座係屋企入面最基本同重要嘅設備之一，所以當突然無電到令人非常困擾。到底有咩原因會導致電源插座唔過電？最常見嘅原因係電箱跳掣。當電路負荷過大，就會自動關閉以防損壞您成個電力系統。今次小編將會為您整合三個方法幫您快速解決電源插座無電到嘅問題。
1.檢查電箱
電源插座唔過電，第一件事可以做嘅係檢查電箱。電箱內通常按房間或區域標籤分配電力。您可以留意當中有冇任何開關轉到關或中間位置嘅電掣。如果您搵到，您可以將呢合掣熄咗佢再重新開啟以重置電路。
2.拔除電器電掣
有時電源插座唔過電係因為電路負荷過大。如果同一時間太多電器插入同一個插座，會影響到電源插座無電到。您可以先嘗試拔出部分電器電掣，睇吓插座可唔可以重新過電。如果係咁嘅情況，您可能需要將電器重新分配到唔同嘅插座。
3.檢查接地故障斷路器
部分電源插座會設有接地故障斷路器(GFCI)以防止漏電。如果您嘅電源插座係GFCI插座,請檢查”重置”按鈕有冇跳掣。GFCI插座通常位於浴室人或廚房。如果GFCI插座跳掣，您可以按一下”重置”按鈕恢復電源。
總結
電源插座無電到可以係因為電路跳掣引致，電路跳掣主要作用係保護您嘅電力系統免受因為電力負荷過大而做成損壞嘅安全功能。透過檢查電箱、拔除電器電掣或檢查GFCI插座，您可以快速解決電源插座唔過電嘅問題，而無需電工。電力問題會導致嚴重安全風險。如果以上嘅方法都無辦法解決插座唔過電嘅問題，您應該盡快聯絡持牌電工進行詳細電力檢查同立即進行維修，以確保安全。