日常生活中大家都離唔開馬桶，但如果馬桶出現損壞或者其他問題嘅話，就會對生活造成嚴重影響。馬桶漏水係常見家居問題之一，唔單止浪費資源，唔及時進行維修仲會搞到成個廁所變咗水舞間，又潮濕又惡搞。馬桶漏水一般分為馬桶水箱漏水、馬桶內部漏水同馬桶底部漏水。以下小編幫您整合咗幾個馬桶漏水嘅成因同解決方法，希望可以幫到你啦！
1. 馬桶水箱漏水
沖廁嘅時候，不斷有水流入水箱，以致水滿湧出水箱。
成因：
進水閥門故障係導致水箱漏水嘅原因之一，因為進水閥門嘅主要作用係控制水箱內嘅水位，當閥門無法正常關閉時，就會令到水箱內嘅水位過高，造成漏水。
解決方法：
調整或更換進水閥門。先關閉馬桶嘅主水閥，然後打開水箱蓋，檢查進水閥門有冇損壞同可唔可以正常運作。如果運作異常，就需要專業嘅水喉師傅調整或更換。
2. 馬桶內部漏水
無論有冇沖廁，都會聽到不斷有水流入馬桶嘅滴水聲，即使㩒完沖廁，水流仍然唔會停止。
成因：
內蓋密封不良會造成馬桶內部漏水，當內蓋嘅橡膠圈老化或損壞時，就會導致水箱內嘅水漏入馬桶，形成漏水現象。
解決方法：
將舊嘅橡膠圈拆落嚟，清潔內蓋表面，然後安裝新嘅橡膠密封圈。安裝時要確保橡膠圈嘅位置正確，以達到最好嘅密封效果。
3. 馬桶底部漏水
馬桶底部時常出現一灘水，或者馬桶附近嘅地磚有滲水情況。
成因：
當冇沖廁嘅時候出現漏水，可能係馬桶有裂痕或水喉老化。另外，若果馬桶底部同水管連接位鬆咗，沖水後底部會即時漏水，並伴隨住臭味。
解決方法：
如果馬桶喺冇沖廁嘅情況下持續慢慢滲水，可能因馬桶有裂痕。呢個時候就需要準備換一個新嘅馬桶或者聯絡專業嘅水喉師傅幫您維修馬桶底部同水管連接位鬆咗嘅問題。
總結
希望以上文章可以幫到大家了解更多馬桶漏水成因同解決問題嘅方法。另外，小編提提大家，如果諗住自行DIY維修或更換馬桶零件時，千祈唔好用力過度，因為好多馬桶零件都喺塑膠料，所以好容易因為太大力而擰爆零件。如果用完以上方法，情況未有改善，就要尋求專業師傅嘅幫助，以免造成更大嘅損失。
Papabo家居維修平台除咗會為您配對3位水喉師傅以比對報價外，每位水喉師傅都經專業團隊嚴謹認證，亦設有師傅評分系統以了解師傅嘅實質工作質素，務求用戶安心又放心！