油漆剝落、裂開係牆身常見問題之一。要先了解裂縫成因，先可以及時做適當嘅修補同防止將來再有更大嘅裂縫出現。小編為您整合咗以下4個主要出現嘅牆身裂縫同修補方法，等您唔洗次次請師傅黎整。
1. 地基裂縫
呢種牆身裂縫會因為地基不均勻導致牆身受壓。地基裂縫傾向呈直立同從角落向四面八方蔓延。修補牽涉到移除踢腳線同用平底漿、牆之寶，或市面上裂縫專用灰料修補裂縫，再上油漆令修補物料可以緊貼裂縫。
2. 收縮裂縫
呢啲細小嘅牆身裂縫會因為環境乾燥而出現。佢哋通常呈之字形在室內出現。要修補首先牆之寶，或市面上裂縫專用灰料。然後將所有修補物料用砂紙磨平再上油漆。喺上油漆前可以先上底漆密封保護新修補嘅地方。
3. 溫差裂縫
環境溫度過熱同凍都會令令建築物料膨脹同收縮，導致牆身有裂縫。溫差造成嘅裂縫通常成斜角同出現喺門窗上面同下面。修補牽涉移除鬆動物料，用像灰料混合物填入同融入原有嘅紋理。然後上透氣油漆。
4. 震動裂縫
由環境震動導致嘅牆身裂縫通常由中央點向四周延伸。震動來源可以喺附近嘅車輛駛過、有重物擊中牆身等。修補需要用平底漿、牆之寶，或市面上裂縫專用灰料修補裂縫，然後將所有修補物料用砂紙磨平再上油漆。
總結
當了解到牆身裂縫嘅成因，您可以先嘗試自行修補，一般簡單修補牆身嘅物料都可以喺五金舖買到。如果想要將牆身裂縫修補到最好嘅效果，我哋會建議您搵專業嘅油漆師傅幫您。如果冇及時同妥善咁處理牆身裂縫問，就會隨時間惡化，導致更嚴重嘅牆物損壞同將來更高嘅牆身修補費用。