當您喺有限預算下要買傢俬裝飾屋企時，會發現香港傢俬舖又貴又唔多選擇。直到淘寶嘅出現，大家可以輕鬆搵到各式各樣嘅時尚傢俬仲要價錢合理，網購傢俬變成香港人嘅新常態！
成日見到身邊朋友都用淘寶，入手各種又靚又抵嘅傢俬，而您都心思思想加入網購行列？今日就等小編手把手，教你點樣上網淘寶啦！
- 下載「淘寶 App」，選擇「我的淘寶」註冊帳戶。
- 成功註冊帳戶後，可以㩒入「我的淘寶」內嘅「收貨地址」填寫您想要收貨嘅地址。
- 開始Shopping！喺搜索欄輸入您需要嘅傢俬關鍵字。
- 點樣可以知道您揀嘅傢俬質素好唔好？您可以透過以下方法去了解更多您所揀嘅產品：
A. 賣家喺普通淘寶店定天貓店？
天貓係指官方認證嘅店鋪，賣家被認為更加可靠。
B. 看看“____人付款”。
有幾多人已經畀咗錢買呢件產品。
C. 評價數量
大家對呢件產品嘅總評論數量。
D. 照片評論
您可以㩒入“視頻/圖片”評論查看實際產品嘅外觀。
- 選擇您想要嘅運送方法
- 決定落單個時Tick番自己心水嘅傢俬，然後㩒「結算」。
- 睇多次自己決定要買嘅傢俬同收貨地址啱唔啱，喺「購物車」剔選要購買嘅物品，然後「結算」。
- 確認多次訂單再㩒「付款」，之後就會轉跳到另一畫面，咁就完成喇。
- 如果擔心件貨唔知去咗邊到就可以去「我的淘寶」，「待收貨」入面「查看物流」CHECK番件貨去到邊。
只要跟足以上步驟，您可以隨時隨地輕鬆成為淘寶達人啦！
如果您需要搵合資格嘅傢俬安裝師傅，可以透Papabo App聯絡港九新界經專業認證嘅師傅為您免費報價！