香港炎熱嘅夏天就到﹐冷氣機係時候要準備出動。當冷氣機太長時間冇用，有冇發覺一開冷氣嘅時散發住陣陣難以形容嘅異味呢？您可能會問到底呢啲怪味點嚟，立即等小編幫你搵出冷氣機發出異味5大真兇啦！
1. 黴菌、霉菌同細菌積聚
冷氣機內嘅潮濕環境非常適合黴菌、霉菌和同細菌生長。冷氣機太長時間冇用，呢啲積聚物就會產生臭味，並分散到房間唔同嘅角落。我哋建議每年至少一次安排專業冷氣師傅上門對您嘅冷氣機進行全面嘅清潔同檢查，必要時您亦可以定時自行清潔冷氣機，確保冷氣機內嘅線圈同過濾網唔會積聚黴菌同污垢。
2. 濾網質素
另一個冷氣機散發異味嘅常見原因喺使用低質嘅過濾網。冷氣機過濾網主要作用喺幫助阻隔空氣中嘅灰塵、花粉、寵物皮屑同其他空氣微粒。如果過濾網起唔到作用，呢啲微粒會積聚喺冷氣機機件上導致異味。最好使用至少有MERV 8嘅過濾網或安裝HEPA過濾網亦可以幫您去除更多嘅空氣污染物。
3. 排水盤已滿
冷氣機中嘅排水盤收集冷卻過程中通過凝結收集嘅水。如果排水盤滿咗或者塞咗，黴菌就有可能喺排水盤內生長。當開冷氣機時，黴菌嘅臭味可能會散佈到屋企唔同地方。
4. 外在環境污染物
有時冷氣機嘅異味來自於冷氣機本身以外嘅環境污染物，例如花粉、工業排放物或污水。呢啲污染物可能會進入冷氣機線圈並散布到房間入面。對於外部污染物，坊間仲未有單一解決方案，但您可以聯絡專業嘅冷氣維修師傅上門評估冷氣機性能，問吓佢哋嘅意見可以點樣阻隔環境污染物。
5. 冷氣機零件生銹
零件生銹通常都會出現於已有多年機齡嘅冷氣機，導致發出臭味。冷氣機內嘅金屬部件可能會腐蝕並釋放出令人唔舒服嘅怪味。所以定期為您嘅冷氣機做檢查係非常重要，只要盡快搵到任何零件生銹嘅跡象，就可以及時解決以防止出現怪味。
總結
透過定期清洗冷氣同更換過濾網，您可以更有效地預防冷氣機產生異味。如果您嘅冷氣機散發異味，要儘快搵師傅上門檢查，及早搵到異味根源可以慳返更換冷氣機嘅錢！