PapaCare 義工團隊好高興能夠同我哋嘅慈善團體合作夥伴小修繕，大意義合作，今星期去咗石硤尾地區做家訪。今次探訪主要目的係想要為長者嘅屋企進行檢查，透過詳細嘅觀察睇番有咩地方需要維修同檢查有冇潛在家居安全嘅問題，以改善長者們嘅居住環境。
當日由10位義工組成嘅團隊分成3個小組，分配到唔同嘅長者屋企進行探訪。每次我哋去探訪長者屋企時，會先介紹自己，同為佢哋講解今次探訪嘅目的。我哋遇到每一位長者都非常開心。
義工們會由天花板到地板都仔細檢查每一個細節，當注意到有需要解決嘅家居問題，例如浴室地板太滑，壞燈問題同需要安裝扶手時，我哋就會詳細紀錄低每個問題同影相，以便下次帶齊所需工具同材料上門維修。
我哋完成哂所有探訪都非常滿足，因為睇到長者們嘅笑容令我哋覺得呢個係一個非常有意義嘅工作。PapaCare義工團隊期待將來可以同小修繕，大意義有更多合作，畀我哋能夠回饋社區，產生積極影響，並令更多人關注長者居住環境問題。
社會需要更多勇氣回饋需要幫助嘅人。如果您都有興趣成為 PapaCare 嘅義工，可以電子郵件至 hello@papabo.hk。